紅軍史上第一人　祖達係新C朗嗎？

《英超刨績王》加強版，最強數據一網打盡：http://win.on.cc/football/　

利物浦喺英超大勝李斯特城3比0，「人氣王」迪亞高祖達又入波，呢位23歲葡萄牙國腳近6場射入7球，並成為紅軍史上第1位開季頭4場頂級聯賽主場上陣都入波嘅球員，不禁令人讚嘆，領隊高普今季簽入咗1位「新C朗」。

利物浦9月用4,100萬鎊向狼隊收購迪亞高祖達，原本只被視為「埃及文明」鋒線嘅替補。不過，現實係迪亞高祖達表現更勝「埃及文明」，各項賽事上陣12場，轟入8球，效率驚人，依家更加成為紅軍創會128年史上，首位開季頭4場頂級聯賽主場上陣都入波嘅球員，1位新兵可以迅速創造歷史，實在難能可貴，難怪備受睇好可以成為C朗喺葡萄牙國家隊嘅接班人。

因此，要求畀迪亞高祖達踢正選嘅呼聲愈來愈高，高普曾經喺對曼城一役，派晒穆罕默德沙拿、羅拔圖法明奴、沙迪奧文尼、迪亞高祖達一齊正選上陣，可見呢位德國名帥都好難取捨。等早前確診新冠肺炎嘅穆罕默德沙拿復出之後，預料紅軍又會踢「4前鋒」。