比比魯莽被逐　柱楣3次救番阿仙奴

《串績王》新登場，最強博彩盤路過關神器：http://win.on.cc/football/　

阿仙奴頹勢未止，喺周一(23日)凌晨英超作客列斯聯，翼鋒尼高拉斯比比唔生性，51分鐘領紅牌，被趕出場，令球隊陷入苦戰。不過，兵工廠仲有些少運仔，列斯聯有3次攻門中柱楣唔入，最終打和0比0。

兩隊原本互有攻守，但踢到51分鐘，尼高拉斯比比沉唔住氣，用頭頂撞對手阿里奧斯基，球證睇完VAR之後，直接向呢位科特迪瓦國腳出示紅牌。列斯聯踢多1人優勢之下，立即全力搶攻，79分鐘洛迪高摩連奴禁區邊射門，可惜中楣唔入。

87分鐘，班福特接應傳中勁頂，卻中柱彈出，補時5分鐘，列斯聯原本有機會絕殺阿仙奴，但拉芬夏比洛尼近門起腳又中柱，註定今場冇波入。阿仙奴失分之外，仲有後備上陣嘅布卡約沙卡傷出，認真黑仔。

雙方打和0比0之後，等於雙輸，列斯聯近3場英超只有1和2負，阿仙奴近5場英超更加只有1勝1和3負，以球隊走勢，睇怕今季想爭前4位都好難。