港超聯 郭嘉諾歸隊:輸波係我一個嘅責任!

20201123
東網電視
更多新聞短片
「嘉諾Sir」(中)表示會盡快「執一執」球隊,建立「飛馬式足球」。 (黃雋謙攝)
10月中赴內地應考專業級教練牌照(Pro License)的天水圍飛馬主教練郭嘉諾,周一(23日)完成回港後強制隔離,正式歸隊督師。球隊自10月尾開季至今狀態不穩,「嘉諾Sir」將責任一力承擔,並誓言目前會認真「執一執」球隊,建立「飛馬式足球」。
天水圍飛馬主帥「嘉諾Sir」10月中向球隊告假一個多月,期間只能透過教練團向球隊發放指示,甚至連臨場調動、半場訓話也僅能以線上會議形式進行。在他負笈的40天期間,飛馬錄得2勝1和3負成績,3場敗仗均以大比數輸波,「嘉諾Sir」將責任一力承擔:「感覺我係一位罪人,一個主教練開咧之際離開球隊40日,成績飄忽我自己攬晒上身。」他說球隊有權不讓他去考試,始終開季十分重要,但既然飛馬放行,如今終於回來,坦言:「係時候返嚟還」。他又否認感受到帥位壓力,並稱管理層理解球隊需時建立,笑指「Peter(教練文彼得)幫我頂咗好多」。
飛馬球員近況發揮未如理想,「嘉諾Sir」強調「外援都係人」,經歷過2周隔離和僅2周的操練,事情並非一定按計劃發生。然而,他察覺球員「各自為政」,未建立到真正整體的打法是招致落敗的原因之一:「11個人都踢緊之前嘅波,孫銘謙踢緊大埔嘅波;羅振庭踢緊元朗嘅波;巴西球員仲踢緊巴甲嘅波,大家係11個個體,唔係一隊team。」他明言自己接下來會在訓練上營造防守壓力,模擬實戰情況,避免再在短時間內連番崩潰,並希望建立一套「飛馬式足球」:「大家都要擺低自己,班巴甲球員都係一樣,了解大家嘅踢法。」他透露目前外援連本地球員的稱呼也未完全熟悉,他認為球員需要更多時間融合。
關於他的「Pro License」考試,「嘉諾Sir」表示結果還未出爐,在短短12天考試期內,要進行近11個口試,加上筆試、場地試和論文等,令他感非常大壓力。回港後因為要居家隔離,令2位女兒要暫停上課,老婆因工作關係出外暫住,他笑言:「我一返到嚟做乜嘢?全部冚唪唥(唔順利),球隊成績又唔好,老婆都要搬走!」