英超下星期開放觀眾入場 曼聯利物浦冇份!

20201124
東網電視
更多新聞短片
《英超刨績王》加強版,最強數據一網打盡:http://win.on.cc/football/ 
隨住英國嘅封城令下星期完結,英國政府宣布由12月2日開始,包括足球賽事在內嘅室外競賽運動,可以重新開放畀觀眾入場,不過新例會根據唔同地區嘅風險而實行「三級制」,而根據目前嘅地區分級,曼聯、曼城同利物浦所處城市屬於高風險嘅第3級,所以佢哋嘅球迷仍然被禁止入場。
自今年3月禁止觀眾入場後,英格蘭各級聯賽球會蒙受天文數字損失,熱刺最新公布上季財政報告,就錄得6,400萬鎊虧損,而且預期如果全季都冇觀眾收入,球會將要面臨1.5億英鎊損失。不過喺新措施入面,阿仙奴、車路士、熱刺等倫敦球會身處第2級區域,即係每場可以有2,000名觀眾或球場一半容量觀眾(以較低者為準)。英超球會當中,只有修咸頓同白禮頓位於最低風險嘅第1級,每場最多可以有4,000名觀眾入場。