一人球隊？沙夏確診水晶宮即變魚腩

《串績王》新登場，最強博彩盤路過關神器：http://win.on.cc/football/　

周二(24日)凌晨英超賽事般尼主場對水晶宮，開波前水晶宮有王牌球星韋費特沙夏確診新冠肺炎而要隔離，結果賽前今季未嘗1勝嘅般尼爆冷1比0贏波，「開齋」之後陣以5分升上尾4位置，今季首度逃離降班區域。

今季已有5個入球嘅韋費特沙夏，係水晶宮嘅靈魂人物，可惜賽前成為英超最新檢測入面8個確診者之一，佢嘅位置由巴舒亞伊臨時頂上。般尼把握呢個機會，8分鐘就由基斯活特入波，之後水晶宮雖然發動強攻，但係就攻破唔到般尼大門，最終畀般尼1比0贏波。

數據顯示，自韋費特沙夏喺14/15球季重投水晶宮後，佢一共缺席咗28場英超聯賽，而水晶宮足足輸咗20場，包括連續7場作客喺冇韋費特沙夏壓陣下輸波，可見呢位科特迪瓦球星對水晶宮有幾咁重要。