超越朗尼　福仔成曼聯歐戰最年輕入波15+

《英超刨績王》加強版，最強數據一網打盡：http://win.on.cc/football/　

曼聯喺周三(25日)凌晨歐聯主場以4比1大勝巴沙克舒希，拉舒福特喺35分鐘射入1球12碼，呢個入球意義重大，因為令佢超越紅魔鬼名宿朗尼，成為曼聯史上喺歐洲賽最年輕入到15球嘅球員。

拉舒福特近4場歐聯入5球，出道以來喺歐聯累積入10球，喺歐霸盃累積入5球。根據英國傳媒統計，呢位英格蘭國腳以23歲零24日，超越朗尼嘅23歲零47日，成為曼聯喺歐洲賽最年輕入波「15+」球員。

拉舒福特可以打破紀錄，都要多得隊友般奴費南迪斯放棄上演帽子戲法機會，讓畀福仔主射12碼，「般費」今場開波19分鐘已經梅開二度。