國米連環自爆 皇馬贏波逃出生天

2020年11月26日 10:02
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
周四(26日)凌晨歐聯B組生死戰,國際米蘭連番犯錯「送禮」,主場0比2不敵皇家馬德里。呢支意甲豪門4戰只有2分,出線機會非常渺茫。反觀,皇馬贏波之後,升上第2位,只要下輪擊敗薩克達,就可以提早出線。
兩隊今場都係非勝不可,國米有地利,反而自亂陣腳,開波僅7分鐘,中場尼高路巴列拿禁區內踢跌拿祖費南迪斯,被吹罰12碼,夏薩特主射入網。6分鐘之後,皇馬幾乎可以拉開紀錄,可惜盧卡斯華斯基斯勁射中柱彈出。
踢到33分鐘,國米中場維達爾遭侵犯後,球證冇吹罰皇馬球員,呢位智利國腳失控不斷向球證抗議,結果連攞2張黃牌被逐。
屋漏偏逢連夜雨,國米下半場仲有阿舒拉夫擺烏龍,更加無力翻身。呢位摩洛哥國腳今夏由皇馬加盟國米,莫非係「無間道」?
國米只有2分在手,如果想出線,除咗餘下2場必須全勝之後,仲要皇馬或者慕遜加柏最後2場輸晒,先至可以出線。