馬賽對波圖　埋身肉搏齊見紅

《串績王》新登場，最強博彩盤路過關神器：http://win.on.cc/football/　

周四(26日)凌晨歐聯C組，網民最期待睇到嘅「馬賽對波圖」，果然冇令大家失望，戰況非常激烈，雙方埋身肉搏，各有1位球員被罰紅牌趕出場，最終波圖作客贏2比0，出線形勢大好。

兩軍月初交鋒，波圖主場以3比0大勝馬賽，呢支葡萄牙勁旅今場作客亦佔上風，39分鐘由沙紐斯打開紀錄，下半場由沙治奧奧利華拉射入12碼，「雙殺」對手。

比賽過程之中，雙方都踢得好粗野，球證頻頻出示黃牌，67分鐘波圖中場馬高古積累積第2張黃牌被逐，3分鐘之後輪到馬賽後衞李安納度巴拿迪兩黃變一紅被趕出場。

激戰過後，波圖有9分在手，已經拋離第3位奧林比亞高斯6分，出線在望，馬賽4戰全敗已經出局。