兵工廠鋒線死火 有分攞已經偷笑

20201126
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
今晚歐霸盃B組賽事,近況低迷嘅阿仙奴作客挪超勁旅莫迪。「兵工廠」近期唔曉入波,加上現時位居小組榜首,以6分領先第3位嘅維也納速迅,出線形勢大好,作客情況下,預料初段睇定嚟踢唔會急,加上佢哋近6場歐霸5開半和,半場和值捧場。(myTV Gold 303、Now 643、有線656及616台周五凌晨1時55分直播)
阿仙奴上場英超作客0比0悶和列斯聯,近5場聯賽入得1球12碼,王牌奧巴美揚嚴重低沉,翼鋒布卡約沙卡同韋利安亦喺上仗勇戰受傷,加上中場湯馬士柏迪同艾利尼分別因傷及確診缺陣,中前場人手緊張,今場就徵召咗4位青年軍球員隨隊,可以預期會派遣大量新人上陣。
雖然阿仙奴喺歐霸分組賽3戰全勝,夾埋入咗9球,不過佢哋傾向上半場踢穩陣波,過去6場歐霸有5次開出半場和,唯一例外係對愛爾蘭球隊鄧達克,「兵工廠」都係要完半場前3分鐘至開到紀錄,慢熱風格唔係咁易改到。
莫迪目標求1分
莫迪目前3戰得6分排小組次席,今場就算拎1分都叫完成任務,尤其主力前鋒奧莫爾桑夫上陣成疑,冇必要冒險同阿仙奴鬥攻,既然兩隊都抱住以穩為先嘅意向,再追半場和好過。