前國腳爆料　馬納當拿被家人當成生意

足球博彩神器，每日重心提供盡在《彩報》：http://win.on.cc/football/　

阿根廷球王馬納當拿心臟病發作，經搶救之後不治，前阿根廷國腳古斯達禾盧比斯爆料，指馬納當拿喺晚年，得唔到家人照顧，甚至只當佢係一門生意同搖錢樹。

現年47歲、曾經為阿根廷國家隊上陣32次嘅古斯達禾盧比斯喺電視節目上話：「根本冇人照顧馬納當拿，佢一直被當成一門生意，佢身邊嘅人視佢為搖錢樹，之前仲吵緊，到底要將馬納當拿留喺醫院，定係接回家中居住，並冇人呵護佢。」

不過，古斯達禾盧比斯亦指馬納當拿脾氣非常差，難以同家人及朋友好好相處，令大家關係愈來愈疏離。