歐霸出擊　阿迪達要比比將功贖罪

《英超刨績王》加強版，最強數據一網打盡：http://win.on.cc/football/　

尼高拉斯比比上仗聯賽魯莽領紅，面臨3場停賽，阿仙奴今晚在歐霸盃B組作客莫迪，比比勢必孭重飛，領隊阿迪達表示，今仗係比比將功贖罪嘅好機會。

比比上仗對列斯聯期間，前額撞向阿里奧斯基頭部，被球證直接紅牌趕出場，賽後阿迪達指呢張紅牌「不可接受」，其後比比向阿迪達及球迷公開道歉，阿迪達已經原諒咗佢，不過要佢做番啲嘢。

阿迪達表示：「相信比比感受到球會對佢嘅保護，亦畀足時間佢適應英超環境，佢係時候向球會作出回報。我哋對佢嘅要求愈來愈高，我知道佢有能力做到，可以發揮得更好。」

「球會簽佢花咗好多錢(7200萬鎊)，球迷對佢好高期望，佢必須努力提升自己，我會好嚴格，因為我知道佢嘅能力有幾強。」