賓菲加教練撈亂咗　話謝拉特係車仔名宿

足球博彩神器，每日重心提供盡在《彩報》：http://win.on.cc/football/　

今晚歐霸盃重頭戲，D組榜首大戰格拉斯哥流浪主場迎戰賓菲加，格流領隊「神奇隊長」謝拉特名氣十足，但賓菲加主帥佐治捷西斯竟然搞錯咗，佢喺記者叫「謝四」係前車路士名將。

喺賽前例行記者會，佐治捷西斯其實只係話一番恭維說話，但就叫錯咗謝拉特係車路士名宿，而佢講錯說話嘅片段，立即被網民瘋傳，仲將謝拉特喺2013至14年球季對車路士一仗嘅「世紀跣腳」攞出嚟評論。

亦有網民認為，66歲嘅佐治捷西斯應該係將謝拉特同林柏特撈亂咗，因為2人係同年代，好多嘢都相似，掛靴後又做領隊，老人家將2個「後生仔」撈亂咗，都好常見啫。