救護車遲半粒鐘!馬納當拿律師:係醫療失誤

20201127
東網電視
更多新聞短片
(Getty Images)
《串績王》新登場,最強博彩盤路過關神器:http://win.on.cc/football/ 
阿根廷一代球王馬納當拿突然心臟病發逝世,震撼全球,周五喺阿根廷首都布宜諾斯艾利斯下葬,魂歸淨土。其好友兼律師則表示馬納當拿出事前12小時未有得到醫療人員照料,救護車更喺病發後半小時才到達,佢會為此事追究到底,要求進行調查。
馬納當拿嘅律師莫拉(Matias Morla)形容呢日喺痛苦悲傷嘅一日,佢話:「相關部門所嘅報告,令人難以理解,我嘅朋友喺12小時內無得到醫療人員照顧,而救護車要半粒鐘先到達,簡直係白痴嘅犯罪行為。我將要求進行調查,正如馬納當拿生前講過:『你係我嘅士兵,不能有憐憫之心』。」
今個月馬納當拿曾接受腦部手術,11號出院回家,據傳媒表示今個禮拜三佢起身時臉色蒼白,仲話自己好凍,食完早餐到上床瞓覺,生前最後一句說話同侄仔講:「我好唔舒服。」
曾擔任馬納當拿長達30多年私人醫生嘅卡爾(Alfredo Cahe),亦質疑球王唔應該太早出院,「我識咗佢33年,佢以一種唔尋常嘅方式離去,佢手術後應該繼續留院,唔應該去無足夠醫療設備嘅地方,的確有好多疑問。」