【有片】西維爾雨中默哀　蒙奇感人發言

《英超刨績王》加強版，最強數據一網打盡：http://win.on.cc/football/　

馬納當拿一生效力過6間球會，92/93球季曾短暫效力西維爾1年，球隊喺星期四(26日)嘅操練前，全隊職、球員喺中場圍圈進行1分鐘默哀，大雨之下令場面份外傷感。西維爾陣中有法蘭高華斯基斯、馬高斯阿古拿同奧甘波斯3位阿根廷球員，球會總監蒙奇亦特別向佢哋作出安慰。

蒙奇本身都係西維爾球員，馬納當拿效力嗰陣更加係佢隊友，蒙奇表示：「我有幸同馬納當拿做過1年隊友，亦係一個好好嘅人，佢由一個偶像變成我嘅好朋友，佢將塞維利亞呢個地方帶畀全世界人認識，從來冇一個球員會講佢壞話。你哋可能會睇到好多關於馬納當拿嘅負面新聞，但係相信我，佢係一個非常好嘅好人。」