曼聯被黑客入侵電腦系統　勒索千萬

《英超刨績王》加強版，最強數據一網打盡：http://win.on.cc/football/　

英超勁旅曼聯嘅電腦系統，上星期受到黑客入侵，據英《每日郵報》爆料，今次危機仍然未解除，身份不明嘅黑客更加向曼聯勒索數百萬英鎊嘅「贖款」，否則就會將曼聯嘅機密資料以及球員、球迷嘅個人私隱資料公開，英國國家網絡安全中心(NCSC)已經向曼聯提供協助。

報道指黑客上星期發動攻擊後，曼聯已請咗一隊專業團隊希望拆解危機，但目前仍未解除威脅。NCSC表示依家未知道黑客身份同埋要求贖款數目，不過上季就有一間非英超球會被黑客勒索500萬鎊，該球會一度拒絕交贖款，搞到無法操控閉路電視同球場閘門，幾乎導致比賽延期。

目前體育機構因單一黑客事件而蒙受損失嘅最高紀錄係400萬鎊，估計福布斯最有價值足球會排第3嘅曼聯，贖款應該都以百萬鎊（千萬港元）計。