哥斯達患致命疾病 疑為新冠肺炎後遺症

20201128
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
馬德里體育會日前宣布,前鋒迪亞高哥斯達右腳出現血塊將要休息1個月,不過經醫生詳細診治後,發現呢位西班牙射手係患上深部靜脈栓塞,懷疑係佢9月份確診新冠肺炎嘅後遺症,而且有可能會出現致命嘅併發症,一般休養期都要3至6個月,但球會仍未為迪亞高哥斯達定復出時間表。
迪亞高哥斯達喺上星期西甲都有後備上陣,不過周中歐聯前已發現右腳有血塊而缺陣,部份新冠肺炎患者都有出現深部靜脈栓塞嘅後遺症,醫生指人體免疫系統對新冠肺炎病毒反應,令凝血功能有障礙而大大增加深部靜脈栓塞風險。迪亞高哥斯達9月份確診嗰陣情況良好,但醫生唔排除今次患病係新冠肺炎嘅後遺症。
西班牙著名醫生艾斯古迪路向電台表示:「約3成嘅新冠肺炎死亡個案,都有發現血栓同肺栓塞,兩者係有密切關聯;一般病人嘅康復時間係3個月至6個月,呢個係最低要求,作為一個足球員,經常會有身體碰撞,處理就要更加謹慎。」馬德里體育會聲明已指出,迪亞高哥斯達今次深部靜脈栓塞,同以往嘅傷患無關,目前仍探討確實致病原因。