偷影遺照收死亡恐嚇 喪禮工人:我畀個仔跣

20201128
東網電視
更多新聞短片
《串績王》新登場,最強博彩盤路過關神器:http://win.on.cc/football/ 
阿根廷球王馬納當拿日前去世,全球哀痛,不過喺「球王」入土為安前,網上流傳一張3位喪禮職員偷拍馬納當拿遺體嘅合照,而且有職員舉起手指公、有人面帶笑容影相,照片曝光令全球震怒,喪禮負責人指涉事人物都係外判工人,已經即時將佢哋炒魷,但咁做都難以平息球迷怒火,馬納當拿律師表明會採取法律行動,據報3人更收到死亡恐嚇。
據西班牙《阿斯報》報道,3位喪禮員工分別係摩連拿,以及一對父子哥迪奧費南迪斯同伊斯美,哥迪奧費南迪斯接受阿根廷電台訪問嗰陣,表示希望得到大家原諒,又話自己係畀個仔跣:「當時我準備運送馬納當拿嘅遺體,但係我個仔就係典型唔懂事嘅年輕人,舉起手指公影咗張相。我希望大家可以原諒我哋,馬納當拿生前同我好熟,佢係我嘅偶像,我永遠唔會對佢不敬,佢過身後更加唔會咁做。我知道好多人受到冒犯,我令好多人傷心,但我希望大家寬恕我哋。」