阿特蘭大中場確診　兩日前曾鬥利物浦

《串績王》新登場，最強博彩盤路過關神器：http://win.on.cc/football/　

意甲球隊阿特蘭大公布，中場阿歷斯米蘭卓克確診新冠肺炎，已經立即接受隔離，將缺陣周日(29日)凌晨意甲主場對維羅納。呢位25歲俄羅斯國腳曾於周四(26日)凌晨歐聯上陣對利物浦，雙方球員人人自危。

根據規定，歐聯比賽前夕，各支參賽球隊嘅球員都需要接受新冠肺炎病毒測試，當時阿歷斯米蘭卓克過到關，佢喺呢場歐聯後備上陣踢咗5分鐘，比賽之後第2日接受測試，卻發現中招，唔排係前往英超比賽期間受感染，甚至有可能比賽時傳染畀其他人。

利物浦早前有多位球員確診新冠肺炎，包括沙迪奧文尼、穆罕默德沙拿、堤亞高艾簡達拿，可以話係球壇重災區，阿歷斯米蘭卓今次確診，隨時令「紅軍群組」出現另一波爆發。