馬納當拿遺產 9000萬歐元點分配?

20201128
東網電視
更多新聞短片
馬納當拿遺產點分配?
足球博彩神器,每日重心提供盡在《彩報》:http://win.on.cc/football/ 
馬納當拿入土為安,之後開始遺產分配程序,西班牙《馬卡報》報道,球王留下可計算遺產大約有9000萬歐元(約8.34億港元),另外仲有幾架名車仲有幾間大屋,將會留畀後人分配。
雖然球王生前講過,打算捐出全部財產,不過由於佢係心臟病猝逝,法律定明子女可繼承當中3分2財產,只要係佢嘅後人將可分到一份,人人有份。
不過問題就係,球王到底有幾多個子女,根據馬納當拿早年講法,只有元配所出2名女兒係佢後人,即使係效力拿玻里嘅私生子辛拿格拉,都等到後期佢先至承認,另外仲有私生子小迭戈,私生女夏娜及7歲嘅費南度,均在近年獲得球王承認。
除咗上述5名子女可以分身家,據報道馬納當拿喺出面仲有6名私生子女,當中有4人係喺古巴長期居住及戒毒期間所生,大部份均已長大成人,年齡介乎19至24歲,呢班球王仔女,理論上都可以分身家。