摩連奴又有神作　提拔16歲「新卡尼」

《英超刨績王》加強版，最強數據一網打盡：http://win.on.cc/football/　

摩連奴今季率領熱刺爭逐英超錦標，不忘為球隊發掘新血，打造未來骨幹，「寸王」喺日前歐霸盃對盧多格德斯比賽末段，派遣小將斯卡利特後備上陣，令佢以16歲零248日成為熱刺史上最年輕上陣球員，被睇好將來可以成為哈利卡尼接班人。

司職前鋒嘅斯卡利特上季已跳級，成為熱刺U18主力，今年夏天亦有跟隨一隊參加季前熱身賽，可見摩連奴非常睇好呢位小朋友。斯卡利特今季繼續有出色表現，早前對修咸頓U18，個人轟入4球，協助球隊大勝7比0。

因此，摩連奴亦帶埋斯卡利特出戰盧多格德斯，雖然呢位英格蘭U16小國腳當時只有8分鐘表演時間，但都有1次射門僅僅斜出，盡顯射手觸覺。「寸王」悉心栽培之下，斯卡利特假以時日，應該可以成為哈利卡尼嘅接班人。