最強防守對決　熱刺悶和車路士上榜首

《英超刨績王》加強版，最強數據一網打盡：http://win.on.cc/football/　

周一(30日)凌晨英超重頭戲，兩支爭標勁旅交鋒，結果車路士同熱刺悶和0比0，熱刺以10戰得21分成績，靠較佳得失球壓倒利物浦升上榜首。今場兩隊製造嘅機會唔多，亦再次證明佢哋係今季英超防守最好嘅兩支球隊。

車路士藉主場之利佔上風，迪姆華拿早段入波被判越位在先，面對熱刺嘅嚴密布防，車路士贏形勢但未見到肉埋門，美臣蒙特81分鐘射門比較有睇頭，但被熱刺門將洛里斯救出，最終悶戰下以0比0握手言和。

連埋今場在內，車路士今季英超有5場保持不失球，係英超「最多清白身」球隊，而熱刺10場比賽失9球就係全英超失球最少球隊，可見兩隊防守能力都非常強大。熱刺領隊摩連奴賽後表示：「作客車路士拎1分應該係個唔錯成績，但我嘅球員對失分仍然好憤怒，呢種態度令我更加開心。」