英超雙響炮!李斯特城爭做一哥

20201130
東網電視
更多新聞短片
《英超刨績王》加強版,最強數據一網打盡:http://win.on.cc/football/ 
周二(12月1日)凌晨英超將有「雙料娛樂」,頭場李斯特城主場對富咸。李斯特城現時排第4,但其實只落後榜首熱刺3分,只要今場贏波,就可以追至同分,必定全力搶3分。「狐狸」主場出擊有料到,近3仗半場已經領先,熱W當然要捧,半場主勝亦值得一試。(Now 621周二凌晨1時30分直播)
李斯特城一度成為聯賽1哥,惜上仗作客利物浦被對方以快速打法打亂部署,最終以0比3輸波,亦跌出前3。好彩佢哋上周中歐霸分組賽作客葡萄牙,憑占美華迪補時入波逼和布拉加,提早獲得出線資格,可以專心於聯賽搏殺。
「狐狸」雖然連續2場不勝,但2仗都係作客,返主場又係另一回事,佢哋主場3連勝,包括英超擊敗狼隊以及歐霸擊敗布拉加及索爾亞,呢3場都係半場已經領先對手。
富咸現時排尾2,9場聯賽輸7場,未有足夠能力於英超立足,後防主力亦頻頻犯錯,預料今場好難頂到李斯特城,捧半場主勝。
至於尾場韋斯咸鬥阿士東維拉就勢均力敵,「錘仔幫」近5次主場4勝1和,維拉仲勁,近5場作客全部贏晒,投注惟有睇個盤,「讓球主客和」維拉受讓,似乎揀受讓嗰瓣有着數,推介維拉讓球客勝。