【官宣】復賽後首次叫停　紐卡素對維拉延期

《英超刨績王》加強版，最強數據一網打盡：http://win.on.cc/football/　

紐卡素早前已宣布有球員確診，陣中確診個案嘅數字不斷上升，英超賽會宣布原定紐卡素周五作客阿士東維拉嘅聯賽叫停，擇日再賽。

英超官方發出聲明，指紐卡素嘅確診數字遞增，球會已提出要求安排賽事延期，加上英國衞生當局亦建議關閉訓練場，呢個情況下球隊準備不足，因此決定改期，雙方球會都認為要將球員及員工健康放喺首位。

今次英超賽會叫停，係自3月停擺之後首次再有賽事因新冠肺炎而被迫停賽或改期。據消息指紐卡素已有至少五名球員「中招」，隊內出現小型爆發，如果唔及早遏止，隨時再蔓延到成個英超就「大鑊鳥」。