尼馬的呼喚：想同美斯再合作　讓位畀佢

《英超刨績王》加強版，最強數據一網打盡：http://win.on.cc/football/　

距離美斯自由身傾轉會愈來愈近，佢前巴塞隆拿好拍檔之一嘅尼馬，在歐聯對曼聯梅開二度後公開呼籲，表示希望再同美斯合作，仲話對方如果加盟大巴黎，佢會將自己個位置讓畀佢。

尼馬向ESNP記者表示：「我最大心願就係再次同美斯一齊踢波，享受同佢再合作，我敢肯定，下個球季就會達成呢個目標。」

報道指，尼馬同PSG合約至2022年，正商討續約，而美斯來季將回復自由身，雖然近年不時傳出巴塞向PSG回購尼馬消息，但現時似乎主客倒轉，美斯好大機會離開巴塞，而佢下一站唔係去曼城，就係去PSG。

尼馬仲講到美斯加盟後踢咩位，佢笑住話：「我會讓我個位畀佢踢，我完全冇問題！」