基亞利殊標價1億鎊　曼聯仲買唔買？

《串績王》新登場，最強博彩盤路過關神器：http://win.on.cc/football/　

阿士東維拉上季護級成功，今季表現有大幅進步，中場隊長基亞利殊上陣9場交出5入球6助攻，表現出色，嚟緊冬季轉會窗又會成為各大豪門斟介目標，英國傳媒報道，維拉為留位呢位隊長，將為其標價1億鎊球王價，如果咁都有人肯買，佢將打破英格蘭員最高身價紀錄。

英國《電訊報》報道，基亞利殊一直備受英超列強關注，今季佢成為英格蘭國腳，而且喺英超交出好表現，加上外型討好，吸引各大豪門斟介，今夏經常有消息指曼聯準備將會收歸旗下，但最終未能成事，嚟緊冬窗又到，如果維拉唔做嘢，基亞利殊隨時畀人撬走。

維拉為基亞利殊加價之後，已經同奇雲迪布尼、哈利卡尼等一線球星睇齊，不過問題係佢真正實力，同上述頂級球員比較，似乎仲欠啲火喉，即管睇吓冬窗有冇水魚落嗒喇。