歐霸盃18隊提前晉級　最激F組爭崩頭

《英超刨績王》加強版，最強數據一網打盡：http://win.on.cc/football/　

歐霸盃分組賽第5輪賽事完結後，24支出線球隊已有18隊出爐，包括羅馬(A組)、阿仙奴(B組)、布拉格斯拉維亞(C組)、利華古遜(C組)、格拉斯哥流浪(D組)、賓菲加(D組)、CF格蘭納達(E組)、燕豪芬(E組)、李斯特城(G組)、布拉加(G組)、里爾(H組)、AC米蘭(H組)、維拉利爾(I組)、安特衛普(J組)、熱刺(J組)、薩格勒布戴拿模(K組)、賀芬咸(L組)、貝爾格萊德紅星(L組)。

12個組別當中最刺激必屬F組，佢哋係唯一仍未有球隊出線嘅組別，周五(4日)凌晨阿爾克馬爾主場1比1逼和拿玻里，而皇家蘇斯達亦只靠蒙利爾尾段入波，主場2比2逼和已經出局嘅包尾球隊列積卡。目前拿玻里5戰10分領先，皇家蘇斯達同阿爾克馬爾各得8分，最後一輪拿玻里要主場迎戰皇家蘇斯達，而阿爾克馬爾就作客列積卡，邊兩隊可以出線難以預料。