基奧特向林伯發通牒　再唔出就1月轉會

《英超刨績王》加強版，最強數據一網打盡：http://win.on.cc/football/　

基奧特剛在歐聯對西維爾一仗個人獨取4球，球王上身講嘢都大聲啲，佢早前曾經表示，為爭取出席明年歐國盃決賽周，希望喺車路士有更多落場機會，否則1月轉會，依家佢重申訴求，仲向領隊林柏特發通牒添。

呢位「天際最強人物」公開表示：「我準備繼續戰鬥，但我需要更多上陣時間，如果我可以有更多機會落場，就有更多機會入選法國大軍，參加明夏歐國盃，我同迪甘斯傾過，佢話如果情況冇變，到咗1月，我必須作出決定。」

基奧特重申最好希望繼續留喺車路士，作出貢獻。基奧特今季在各項賽事為車路士上陣10場，攻入6球，佢上仗以34歲之齡大四喜，則打破咗多項年紀最大戴帽及大四喜紀錄，成功引起球迷關注。