西甲引入「FAN CAM」　球員慶祝唔驚走漏眼

《串績王》新登場，最強博彩盤路過關神器：http://win.on.cc/football/　

西甲上星期正式採用「FAN CAM」，成為歷史上第1個引入「FAN CAM」嘅聯賽。嚟緊球員入波之後，將會有支「私家鏡」喺龍門後面對準球員，令球迷可以更清楚、更近距離欣賞球星們嘅慶祝動作，絕對係球迷福音！

西甲賽會一直以嚟，希望將球員入波後慶祝時嘅激情，傳遞畀球迷。西甲聲音及視訊部門總監Melcior Soler，認為引進「FAN CAM」可以達到以上目的：「FAN CAM喺我哋部門嘅一大突破，令球迷更加個人化同真誠咁去感受，球員入波之後點樣去慶祝。」

根據官方統計，自從西甲第11周開始使用之後，高達62%嘅球員都會喺入波之後，走去「FAN CAM」面前，當中包括球皇美斯。依位巴塞隊長上輪喺對奧沙辛拿入波後，除咗件波衫去悼念早前逝世嘅名宿馬勒當拿。

另外西甲賽會賽後，亦會將片段畀番球員同球會，令佢哋可以喺社交媒體上發布，依支「FAN CAM」絕對會提升西甲嘅曝光率。