塞爾維亞邀請出山　雲爺爺婉拒

足球博彩神器，每日重心提供盡在《彩報》：http://win.on.cc/football/　

雲格2018年離開阿仙奴之後，2年來笑傲江湖，得閒上電視講波經，分析吓戰術，間中又畀人傳吓巴黎聖日耳門及皇馬等幾間豪門嘅緋聞，近日再有消息指，塞爾維亞國家隊力邀雲格出山執教，但轉個頭已遭拒絕。

西班牙傳媒報道，塞爾維亞足總向雲格發出邀請，據報薪酬頗高，塞爾維亞足總主席Slavisa Kokeza聯絡雲爺爺，希望該71歲法國名帥接掌帥印，不過雲格並無答應。

其實雲格睇唔上塞爾維亞都好合理，因為放眼現今歐洲球壇，各大豪門都有換帥機會，皇馬、巴塞、巴黎聖日耳門，甚至乎曼聯或回巢阿仙奴都隨時有空缺，雲格一開聲，真係大把人爭住請，唔休做喎。