曼聯又搶李城兵　今次要買班尼斯

《英超刨績王》加強版，最強數據一網打盡：http://win.on.cc/football/　

曼聯又準備收購李斯特城球員，根據英國《每日星報》爆料，由於紅魔鬼買唔到多蒙特翼鋒查頓辛祖，所以決定轉換目標，向李斯特城新星哈維班尼斯埋手，希望將呢位即將23歲嘅英格蘭國腳收歸旗下。

眾所周知，曼聯一直想簽查頓辛祖，但多蒙特企硬要求1.08億鎊轉會費，令紅魔鬼卻步，領隊蘇斯克查惟有另覓人選，最新目標係哈維班尼斯。

呢位能夠勝任翼鋒及進攻中場嘅進攻好手，今季表現出色，各項賽事上陣14場入5球，比佢上季上陣42場入7球，有明顯進步。

哈維班尼斯今年10月更加首次為英格蘭國家隊上陣，實力備受認同。據悉，李斯特城將哈維班尼斯標價為6,000萬鎊，身價比查頓辛祖低一大截，所以曼聯管理層認為買哈維班尼斯比較划算。