2021世冠盃改由日本舉行　中國球迷心碎

足球博彩神器，每日重心提供盡在《彩報》：http://win.on.cc/football/　

國際足協宣布，原本安排喺中國舉行嘅2021年世界冠軍球會盃，將改為由日本喺明年夏天舉行，並會「大縮水」由原定24隊減至7隊。

根據國際足協原本計劃，2021年世冠盃將破天荒由7隊擴軍至24隊，並由中國主辦賽事。不過，國際足協近日開會後，決定改變計劃，維持7支球隊參加，最令人意外係取消喺疫情比較輕嘅中國踢，改為喺日本舉行，當局並冇透露原因。日本以往曾經舉行過8屆世冠盃，似乎國際足協想以不變應萬變。

至於原本安排今年12月舉行嘅2020年世冠盃，因為新冠肺炎大爆發，延期至2021年2月喺卡塔爾舉行。過去7屆世冠盃都由歐洲球隊奪得，今屆歐洲代表拜仁慕尼黑都係捧盃大熱。