贊助商雪佛蘭畀錢　撐曼聯回購C朗

《英超刨績王》加強版，最強數據一網打盡：http://win.on.cc/football/　

英國《太陽報》引述《Auto Esporte》報道，曼聯球衣心口贊助「雪佛蘭」有意參與曼聯回購C朗拿度計劃，認為該35歲球星對球隊實力及商業效益都有巨大好處，就算要支付周薪50萬鎊天價人工都唔係問題。

報道稱，C朗過去兩季效力祖雲達斯期間，除了協助球隊在意甲封王，祖記球衣心口贊助商「Jeep」銷售額亦有上升，佢加盟後一星期祖記股價在米蘭交易所一度上升30%。

曼聯球衣心口贊助商「雪佛蘭」有意參與曼聯回購C朗計劃，主要在財政上提供支援，睇好C朗一旦回歸曼聯，對贊助商品牌有極佳推銷效果。

之前有報道指，祖雲達斯有意出售C朗，既可省回周薪50萬鎊負擔，又可收回一筆可觀轉會費，只係一直搵唔到買家，C朗本人亦希望在祖記踢到約滿，但如果曼聯提出收購，相信C朗唔會拒絕。