阿古路可復出對馬賽　為打吡戰熱身

《英超刨績王》加強版，最強數據一網打盡：http://win.on.cc/football/　

曼城將於周四(10日)凌晨歐聯主場對馬賽，「藍月亮」已穩奪出線權，領隊哥迪奧拿仲透露一單好消息，就係前鋒阿古路已經傷愈，有望今場復出，為周日(13日)凌晨英超「曼市打吡」作客曼聯，做定「熱身」。

阿古路喺11月尾歐聯對奧林比亞高斯後，又因為受傷，缺席咗近3場比賽，幸好現時已經冇大礙，哥迪奧拿準備將佢列入後備名單，可能喺比賽後段派佢上陣，畀呢位阿根廷國腳搵番比賽節奏，為英超作客曼聯，做好準備。

阿古路近3日都有參與球隊操練，膝部傷患已經冇再出現問題，但哥迪奧拿強調，必須小心處理，除咗留意阿古路嘅膝傷之外，仲要考慮埋佢整體狀態，先至決定會唔會派佢上陣。