寸王第4次攞每月最佳　上次係13年前

《英超刨績王》加強版，最強數據一網打盡：http://win.on.cc/football/　

曾經3奪英超冠軍嘅「寸王」摩連奴，今季執教熱刺戰績彪炳，英超賽會周五(11日)宣布，摩連奴當選11月最佳領隊，佢喺英超第4度得獎，至於對上一次攞呢個獎，原來已經係13年前。

現時排榜首嘅熱刺，11月喺英超4仗取得3勝1和，包括贏白禮頓、西布朗、曼城，同埋打和車路士，期間仲有2場歐霸盃都贏晒，呢次攞獎可謂實至名歸。

雖然摩連奴咁出名，但佢其實好少攞到呢個獎，首次得獎係執教車路士時期嘅04年11月，之後05年1月攞第2次，相隔兩年後嘅07年3月攞第3次，之後佢就冇攞過呢個獎，直至13年後嘅今日，以熱刺領隊身份得獎。

至於11月最佳球員，就係曼聯嘅般奴費南迪斯，佢上月份上陣4場，交出4入球1助攻，亦係佢個人第3度當選。