倫敦疫情風險升級　6支英超隊又「閂門」

《英超刨績王》加強版，最強數據一網打盡：http://win.on.cc/football/　

英國早前開綠燈畀來低風險地區球會，有限度放觀眾入場睇波，不過隨住新冠肺炎疫情轉變，原本屬於中度風險「第2級別」嘅倫敦，已經升級至高風險嘅「第3級別」，意味英超6支倫敦球會阿仙奴、車路士、熱刺、韋斯咸、水晶宮同富咸，主場將要重新關閉，預料呢個級別至少維持幾個星期。

星期四凌晨阿仙奴對修咸頓、韋斯咸對水晶宮同富咸對白禮頓，原本可以安排2,000名觀眾入場，但依家倫敦疫情風險升級，入場安排會即刻取消。目前英超20支球隊入面，只有利物浦、愛華頓、白禮頓同修咸頓「第2級別」，係僅有4隊可以放觀眾入場睇波。