《法國足球》評史上夢幻隊 美斯C朗上榜

20201215
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
《法國足球》今年雖然停辦金球獎,不過就破天荒評選足球史上「夢幻11人」,佢哋同金球獎評選一樣係由全球超過170個國家嘅體育記者投票,公信力十足,而最終當選嘅夢幻11人當中,只有美斯同C朗拿度係現役球員。
為咗「容納」眾多嘅前鋒傳奇,今次評選陣容採用3-4-3陣式,C朗拿度、美斯同巴西「大哨」朗拿度組成三叉戟,兩大傳奇球王比利同馬納當拿就擔任攻擊中場,兩名防守中場有德國嘅馬圖斯同西班牙沙維,3人防線為卡富、碧根鮑華同馬甸尼,門將就由前蘇聯鋼門「八爪魚」耶辛出任。
至於「夢幻B隊」陣容就有門將保方、3後衛巴西嘅卡路士艾拔圖、意大利中堅巴里斯同巴西左腳王卡路士;中場有施丹、派路、列卡特同迪史堤芬奴;前線三叉戟就有加連查、告魯夫同朗拿甸奴。
不過歷史上有咁多傳奇巨星,22人總有漏網之魚,好似法國傳奇柏天尼、荷蘭球星雲巴士頓、古列治,加上尤西比奧、普斯卡斯等經典名將落選,都引起唔少爭議。