曼聯同錫菲聯即場講數　外借連格

《英超刨績王》加強版，最強數據一網打盡：http://win.on.cc/football/　

一直有傳曼聯中場連格轉會，但都係吹水居多，近日終於有單比較實質嘅消息。英國傳媒報道，曼聯周中3比2反勝錫菲聯後，雙方即場討論借用連格，錫菲聯希望該英格蘭中場加盟協助護級，並會承擔10萬鎊周薪。

英國《郵報》報道，開季13仗僅得1分嘅錫菲聯將於明年1月冬季轉會窗增兵，佢哋睇中曼聯28歲嘅連格，並於日前賽事期間即將討論可行性，由於格連在曼聯並無上陣機會，今季僅在聯賽盃披甲2場，曼聯唔介意將佢外借。

連格同曼聯合約將於明年夏天到期，報道指在外借之前，曼聯將會先同連格續約，然後再外借，當外借錫菲聯期滿，佢仍會返回曼聯陣營。