蘇斯克查警告普巴：冇人大得過曼聯

《英超刨績王》加強版，最強數據一網打盡：http://win.on.cc/football/　

曼聯將於周日(20日)深夜英超主場對列斯聯，紅魔鬼主帥蘇斯克查喺賽前記者會上，被問到有關中場保羅普巴嘅前途，佢罕有唔客氣叫呢位法國國腳必須做好本分，隊內冇人比曼聯更重要。

蘇斯克查話：「如果有人認為自己比曼聯重要，我一定反對佢，絕對冇人可以凌駕球會，保羅普巴知道呢一點，其他球員都知道。保羅普巴好早就加盟曼聯，踢過U18，佢好清楚曼聯係一個團隊。」

對於經理人拉奧拿早前指保羅普巴想離隊，蘇斯克查表示，談判係球會同經理人之間嘅事，自己好少同經理人交流，只會同球員傾，又話球員要有自我管理嘅能力，唔好靠晒經理人，似乎叫保羅普巴唔好被拉奧拿擺布。