【澳職開鑼】墨爾本勝利圖強轉行英倫風

足球博彩神器，每日重心提供盡在《彩報》：http://win.on.cc/football/　

新一季澳職下周一（28日）下午開鑼，墨爾本勝利歷來贏過3次常規賽冠軍、4次季後賽冠軍，係FC悉尼之外成績最好嘅澳職球隊，不過呢支傳統勁旅上季常規賽只排第10，係佢哋參戰澳職以來最差成績，而且亦係繼2011/12球季後，首次無緣進身季後賽，德國教頭馬高告斯早喺球季停擺前已掛冠而去，為重振雄風，勝利今季改行「英倫風」，新主帥係曾效力勝利、踢而優則教嘅蘇格蘭中場比貝拿，同時引入具有英超經驗嘅貝寧射手基斯泰迪、前韋根中場卡林麥馬拿文及在英冠打滾多年嘅積及畢打菲特，打造全英鋒線，新鮮感十足令人期待。

勝利早前出戰喺卡塔爾舉行嘅亞冠盃賽事，結果成功突破分組賽躋身16強，狀態比其他澳職球隊理想，而且佢哋今季加入唔少新球員，能有機會寓賽於操，對開咧爭取佳績亦有莫大幫助。論球員個人質素，勝利今季稱得上數一數二，加上毋須應付亞冠盃，專注聯賽可望一洗上季頹風。

澳職名將希斯基點睇今季澳職：https://bit.ly/2WQPjU8　

澳職常規賽冠軍最新賠率：https://bit.ly/3mTWDsV