傳奇「罰球門將」參選巴拉圭總統

足球博彩神器，每日重心提供盡在《彩報》：http://win.on.cc/football/　

巴拉圭傳奇門將芝拉華特宣布將參選該國2023年總統選舉，並向人民作出承諾，一旦當選就會致力打擊貪腐，改善人民生活質素。

現年55歲嘅芝拉華特球員時代效力過薩拉戈薩、沙士菲等球隊，雖然佢身為門將，但以擅長射罰球見稱，1996年沙士菲對河床，佢更加離門60碼笠射入網，職業生涯取得67個入球，並於1995、97、98年當選世界最佳門將。

不過，芝拉華特脾氣亦非常暴躁，曾於世界盃外圍賽同哥倫比亞球員大打出手，亦試過向巴西名將卡路士吐口水，而被國際足協罰停賽3場。

芝拉華特一直被視為巴拉圭史上最佳球員之一，即使退役多年，仍然人氣高企，佢今次宣布參選，相信會獲得唔少支持。

事實上，以往有唔少球員掛靴之後從政，當中最成功一定係前AC米蘭射手韋亞，佢當選利比里亞總統。