史達寧神助攻　曼城贏波逼近前4

《串績王》新登場，最強博彩盤路過關神器：http://win.on.cc/football/　

曼城開始復甦，喺周日(27日)凌晨英超主場以2比0擊敗紐卡素，取得聯賽2連勝，升上第5位，僅落後第4位曼聯1分，令今季競爭形勢更加激烈。

曼城今場佔盡上風，開波14分鐘就打開紀錄，史達寧扭入禁區右路，對手冇晒佢符，佢冷靜傳畀根度簡射入。史達寧今季上陣21次已有6次助攻，多過上季助攻次數，曼城喺哥迪奧拿執教之下，呢位英格蘭國腳已累積創造150個入球，包括射入96球及54次助攻，成為哥帥入「城」以來，首席進攻王。

換邊之後，曼城20歲新星費倫托利斯把握對手解圍不遠，射成2比0，其實「藍月亮」今場製造大量入波機會，但往往失之交臂，包括奇雲迪布尼單刀唔入，貝拿度施華射中柱彈出，史東斯頭槌攻門斜出等等，否則唔止贏2球，幸好無礙曼城連續11次英超主場擊敗紐卡素，重燃爭標希望。