利物浦鬥西布朗見好就收

20201227
東網電視
更多新聞短片
《串績王》新登場,最強博彩盤路過關神器:http://win.on.cc/football/ 
聖誕冠軍利物浦今晚主場迎戰西布朗,剛上任執教西布朗嘅艾拿戴斯一向有護級專家之稱,就算上場首度領軍落敗,相信亦無損其護級決心,況且西布朗近6場聯賽作客失球數字全部一球起、兩球止,總入球全開3球或以下,包括打和曼城同僅負曼聯,「紅軍」今仗未必予取予攜,中位數3.5球入球細好路。(Now 621周一凌晨零時30分直播)
今季重返英超嘅西布朗頭13場聯賽1勝4和8負,一直處於榜下游掙扎,引發管理層辭退克羅地亞教頭比歷,由護級專家艾拿戴斯接手。「大Sam」之前接手執教保頓、布力般流浪、新特蘭同水晶宮都成功幫球隊護級,從未試過帶隊降班,護級專家確係有計,未計周六比賽,現時排尾2嘅西布朗同尾4嘅白禮頓只差5分,大把時間畀「大Sam」去追。
西布朗今季7場聯賽作客2和5負,但除咗首戰作客愛華頓大敗2比5,之後6場刻意主守,失球數字大減,呢6場從未試過單場失3球或以上,除以0比1僅負曼聯,比歷被炒前一仗更以1比1賽和曼城,表現其實有明顯進步。上場主場鬥阿士東維拉,係艾拿戴斯上任首仗比賽,可惜隊長積基李華摩亞上半場領紅牌被逐,大部分時間踢少個,輸0比3不足為據。
現於榜首有4分領先優勢嘅利物浦,上場聯賽雖然大炒水晶宮7比0,但呢場只係「紅軍」今季7場聯賽作客第2場勝仗,客場發揮仍欠穩定。嚟緊快車賽程,利物浦未來兩場聯賽仲要作客紐卡素同修咸頓,相比起呢兩場作客波,今場鬥西布朗只係簡單任務,領隊高普近排都堅持輪換,快車檔期當然為免消耗太多體力增添傷兵,今仗主場出擊隨時見好就收,捧3.5球入球細有根有據。