哥帥小心！皇馬準備撬菲爾科頓

澳職開鑼，即上《澳職刨績王》：https://win.on.cc/football/league/aleague/index.html　

英國傳媒報道，曼城中場小將菲爾科頓因不滿上陣時間太小，有意離隊，皇馬打算乘虛而入，開價撬走呢位哥迪奧拿「心頭肉」。

哥迪奧拿一直對菲爾科頓百般呵護，希望佢喺良好環境成長為己所用，即使今年9月入選英格蘭大軍作客冰島期間爆出「帶女上房」醜聞，哥帥好快就當冇事發生，繼續委以重任。

不過自從今年10月對阿仙奴以來，菲爾科頓僅擔任過1次正選，並無足夠時間畀佢發揮，因此菲爾科頓對現狀感到不滿，英國《鏡報》道，該20歲小將希望爭取更多上陣機會，如果曼城無法提供機會，佢只能選擇離開。

報道指，皇馬關注菲爾科頓已有一段時間，現時係出手好機會。面對皇馬挖角行動，哥迪奧拿回應：「我哋都好愛呢位小朋友，佢好特別，我希望為佢提供最好環境，如果佢渴望成為最佳，我相信佢一定成功。」