前曼聯名帥逝世　佢曾帶領紅魔鬼升班

澳職開鑼，即上《澳職刨績王》：https://win.on.cc/football/league/aleague/index.html　

曼聯官方證實，曾於上世紀70年代帶領紅魔鬼由乙組重返頂級聯賽嘅前領隊杜捷迪逝世，享年92歲。呢位蘇格蘭名帥唔止帶領曼聯度過最艱難時期，更協助球隊贏過英足盃冠軍。

杜捷迪曾經執教車路士、波圖、曼聯、阿士東維拉、蘇格蘭國家隊等多支球隊，其中1972年12月佢臨危受命，成為曼聯主帥。當年紅魔鬼人腳老化，即使佢首季領軍為球隊護級成成功，但踢完1973/74年球季都係不幸降班。

不過，僅過1季，杜捷迪於1974/75年球季率領曼聯獲得英乙冠軍，重上英甲(當時頂級聯賽)，2年之後喺英足盃決賽，帶領曼聯以2比1擊敗利物浦，奪得冠軍。

杜捷迪亦曾經帶領車路士奪得英聯盃冠軍，據悉車仔原本主場係着白褲，佢建議改為着藍褲，並一直沿用至今。