迪姆華拿衰到貼地 開角球畀支旗整傷

20210104
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
車路士近期成績差勁,狀態低沉嘅德國貴價前鋒迪姆華拿慘成箭靶,佢今場對曼城重返正選踢足90分鐘,可惜仍然係碌碌無為,比賽尾段更加出現騎呢一幕。迪姆華拿尾段走去開短角球,本來只係一次交畀5碼外隊友嘅簡單傳球,但呢位前鋒竟然踢咗落支角球旗,隨即痛苦跪低疑似受傷。
英格蘭名宿連尼加喺社交網貼出呢段騎呢影片,形容「唔係你嘅日子...」但就引嚟網民無情嘲諷,留言話「有邊日係佢嘅日子」、「迪姆華拿想插水博罰球」。迪姆華拿今季只有4個聯賽入球,對上一次入波已經係11月初對住包尾錫菲聯,近12場賽事都冇入過波,追平佢個人最長入球荒紀錄(2016年3月至9月)。