奇雲迪布尼拒絕曼城新約 只有1個要求

20210105
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
曼城近期全面回勇,聯賽盃亦已經殺到入4強,今季各項賽事有3入波同12次助攻嘅比利時中場奇雲迪布尼相當重要,不過據英國《泰晤士報》報道,曼城向佢開出嘅全新5年合約已被拒絕,因為奇雲迪布尼認為人工太低,要求獲取全英超第1高薪。
奇雲迪布尼上場對車路士客串「假9」,拎到1入波同1助攻,據報佢目前周薪為28萬英鎊,喺曼城隊中僅次於30萬鎊周薪嘅史達寧,但曼城開出嘅新約加幅未能令佢滿意,所以已經作出拒絕,消息指奇雲迪布尼要求全英超最高人工,即係去到迪基亞(37萬鎊周薪)或奧斯爾(35萬鎊周薪)嘅水平。
不過曼城球迷都唔使太擔心,暫時冇消息話奇雲迪布尼有意離隊,而且佢同曼城仲有2年半合約,有大把時間可以尋求續約共識。奇雲迪布尼喺曼城有得爭冠,又係球隊核心人物,相信都冇幾多間球會可以提供更好嘅條件。