各大豪門注意！拿卡錫迪續約有阻滯
20210106
東網電視
更多新聞短片
(Getty Images)
澳職開鑼，即上《澳職刨績王》：
阿仙奴前鋒拿卡錫迪狀態大勇，近4場比賽都取得入球，但兵工廠似乎唔多珍惜呢位法國國腳，決定推遲至今季結束之後，先至同佢傾續約問題，屆時拿卡錫迪只餘下1年合約，有可能拒絕續約，阿仙奴隨時面臨人財兩失。
拿卡錫迪現時合約只剩下18個月，阿仙奴執行董事Vinai Venkatesham曾經講過，球員得番2年合約時，就必須傾續約，否則就應該盡快出售，避免自由身離隊，令球會蒙受損失。
拿卡錫迪今次明顯過晒「死線」，最離譜係會方決定等多半年，先至同佢傾續約。領隊阿迪達話：「我哋仲未同拿卡錫迪傾關於續約嘅事情，大家將於今夏談判，到時會有決定。」
29歲嘅拿卡錫迪正值當打，而且今季表現出色，各項賽事上陣19場入9球，兵工廠依家仲唔同佢傾續約，實在令費解。最大原因可能係拿卡錫迪嘅周薪達17萬鎊，新冠肺炎疫情打擊之下，球會財政負擔沉重，令兵工廠暫緩傾續約工作。
不過，一旦拿卡錫迪今夏拒絕續約，佢明年1月就可以同其他球會傾自由身加盟，阿仙奴到時喊都有無謂。