【官宣】阿仙奴簽哈化柏林19歲新星

足球博彩神器，每日重心提供盡在《彩報》：http://win.on.cc/football/　

近日先後外借哥拉辛拿斯同威廉沙列巴兩位守將嘅阿仙奴，周五(8日)宣布向德甲哈化柏林收購中堅奧馬列卻克，據報轉會費為60萬英鎊。上個月先至19歲生日嘅奧馬列卻克，將會先為阿仙奴U23比賽，阿仙奴領隊阿迪達表示：「佢係個好有潛質嘅新人，我哋已經睇咗佢好長時間，佢會有光明嘅未來。」

奧馬列卻克雖然從未為哈化柏林一隊上陣，但被視為隊中最有潛質新人，佢哥哥列卻克係現役荷蘭國腳，季前先至由哈化柏林轉投西維爾，兩兄弟都係中堅人才。不過，奧馬列卻克踢過荷蘭U18同突尼西亞U21，目前仍未決定代表邊個國家隊出賽。阿仙奴同哈化柏林關係良好，哈化柏林依家法國中場古安杜斯，就係由阿仙奴外借加盟。