外借拉素遭冷待　彭利拿想返曼聯

澳職開鑼，即上《澳職刨績王》：https://win.on.cc/football/league/aleague/index.html　

意大利傳媒報道，今季外借到拉素嘅曼聯25歲巴西中場安達斯彭利拿，不滿上陣機會太少，正考慮終止外借，提早返回奧脫福。

彭利拿並非曼聯棄將，佢上季獲蘇斯克查重用，上陣40場入2球，係球隊主力成員，佢希望爭取更多上陣機會，外借到拉素，但結果同佢預計嘅相反，去年10月至今僅上陣15次入1球，13次做後備，佢覺得冇發揮機會，考慮離開。

雖然曼聯中場位置已經爆棚，返曼聯只會面對更激烈競爭，但彭利拿認為同高水平隊友練波，對自己都有好處，而且曼聯賽程頻密，相信會有上陣機會。