【官宣】久保建英轉投基達菲

足球博彩神器，每日重心提供盡在《彩報》：http://win.on.cc/football/　

今季由皇家馬德里外借維拉利爾嘅日本國腳久保建英，因為上陣時間不足，正式由維拉利爾過檔基達菲，借用期暫定6個月至今個球季結束，皇馬官方社交網於周五（8日）公布有關消息，並祝願久保建英能於基達菲取得成功。

久保建英今季代表維拉利爾喺西甲正選上陣2次，另有11次後備入替，合共上陣219分鐘卻錄得0入球、0助攻嘅尷尬紀錄，反而轉戰歐霸盃卻有唔錯表現，5次正選落場取得1個入波及3次助攻，不過呢名19歲嘅日本中場對於上陣時間依然有微言，早前主動向教練艾美利提出轉會要求。

基達菲目前於西甲排名第16位，只比包尾嘅侯爾斯卡多5分，下半季相信仍要繼續為護級而努力；早前基達菲已向巴塞隆拿成功借用另一小將卡利斯艾蘭拿，連同巴塞青訓出身嘅久保建英，似乎對巴塞青訓產品特別有信心。